نێچيرڤان بارزانى پيرۆزباهيا جه‌ژنا جه‌مايێ ل ئێزدييا كر

News
- 5 October 2019

د په‌يامه‌كێدا ڕێزدار نێچيرڤان بارزانى، سه‌رۆكێ هه‌رێما كوردستانێ، پيرۆزباهيا جه‌ژنا جه‌مايێ ل خوشك و برايێن ئێزدى كر، ئه‌ڤه‌ ده‌قا وێ يه‌:

جه‌ژنا جه‌مايێ ل هه‌مى خوشك و برايێن ئێزدى ل كوردستانێ و ل هه‌ر ده‌ره‌كا جيهانێ بن، پيرۆز دكه‌ين. هيڤيدارين ئه‌ڤ جه‌ژنه‌ بۆ هه‌ميا ب خێر و خۆشى ڤه‌گه‌ڕيت و جه‌ژن و هه‌لكه‌فتێن بێن، د ره‌وشه‌كا باشتردا بۆ ئێزدييا و هه‌مى كوردستانييان بگشتى ڤه‌گه‌ڕن.

ئيسال ژى جه‌ژن د ده‌مه‌كێدا تێت كو هێشتا ب ده‌هان هزار خوشك و براێن مه‌ يێن ئێزدى ژيانا ئاواره‌ييێ د كه‌مپاندا ده‌رباز دكه‌ن و نكارن ڤه‌گه‌ڕنه‌ سه‌ر مال و جهێت خۆ، بێترى سێ هزارا ژى هێشتا بێسه‌وشوینن‌ و چاره‌نڤيسێ وان نه‌دياره‌.

ئه‌م جاره‌كا دى خوشك و برایێن خۆ يێن ئێزدى پشتڕاست دكه‌ين كو هه‌ر چ ژ مه‌ بێت دێ كه‌ين داكو ڤه‌گه‌ڕنه‌ سه‌ر مال و جهێن خۆ يێن ئارام و ئاڤه‌دانكرى و هندى ئێك ئێزدى وندا مايه‌، دێ هه‌مى هه‌ولا بۆ ڤه‌گه‌ڕاندنا وان ده‌ين.

دوباره‌ جه‌ما ل هه‌ميا پيرۆز بيت، هه‌ر سال ب خێر و خۆشى.

نێچيرڤان بارزانى

سه‌رۆكێ هه‌رێما كوردستانێ

5/10/2019